Фальклорны вечар “Іван Купала”
У раённай бібліятэцы бібліятэкар Суднік І. І. падрыхтавала і правяла фальклорны вечар “Іван Купала” для людзей пажылога ўзросту.
Купалле – свята сонца і агню, божастваў урадлівасці і росквіту зямлі. Свята ў народзе называюць днём Івана Купалы і адзначаюць 7 ліпеня. Янаў дзень – у гонар Іаана Хрысціцеля. Купалле цесна звязана з вадой – на ранішняй зары ў гэты дзень прынята купацца ў вадзе, у расе. Такім купанням прыпісвалася гаючая сіла. Падумайце толькі: адна ноч, а ўсе чатыры стыхіі яднаюцца – вада, агонь, паветра ды зямля. Свята агульнаславянскае, авеянае легендамі, насычанае вельмі прыгожымі песнямі і гульнямі моладзі.
Успомнілі язычніцкіх багоў, якіх шанавалі нашы продкі беларусы, Сварога, Дажбога, Пяруна, Вялеса, Ярылу.
Да свята прымяркоўвалася пэўнае меню: белы сыр, кулага, бліны, верашчака, рыба, яечня, крупнік, квас.
Былі прапанаваны кнігі, загадваліся загадкі з цікавінкай.
