ФАЛЬКЛОРНАЯ ЗАВАЛІНКА
У Германавіцкай бібліятэцы абдылася фальклорная завалінка ”Міфы роднай зямлі“, у час якой закраналася тэма адраджэння беларускіх народных абрадаў і звычаяў. У пачатку мерапрыемства бібліятэкар распавяла пра міфічных персанажаў беларусаў: Зюзю, Баламуценя, Пячурніка, Зазоўку і інш. З цікавасцю ўдзельнікі мерапрыемства паслухалі аповед пра Багіню Вясны – Лялю.
Падчас мерапрыемства сярод дзяўчат была выбрана самая прыгожая дзяўчына, галаву якой упрыгожваў вянок з веснавых кветак. Дзяўчаты вадзілі вакол прыгажуні карагод і спявалі песню, у якой прасілі цёплай вясны і багатага ўраджая.
