“Фабрыка талентаў” у Зоркаўскай бібліятэцы
У Зоркаўскай бібліятэцы прайшло мерапрыемства ”Фабрыка талентаў“. Напярэдадні яго ўдзельнікі атрымалі хатняе заданне. У выніку хлопчыкі і дзяўчынкі з вялікім энтузіазмам прадэманстравалі гледачам свае таленты.
Красоўскі Дзіма і Багдановіч Ульяна праспявалі песні, і ўсе ім дружна падпявалі. Талапіла Насця падарыла прысутным цудоўны танец, які сама і прыдумала. Кавалеўская Яна прынесла маннік, спечаны сваімі рукамі, а таксама расказала, што у вольны час любіць плесці браслеты, бусы і іншыя ўпрыгожванні. А Багдановіч Каця прадэманстравала гімнастычны нумар, які ўсе глядзелі з захапленнем. У канцы мерапрыемства ўдзельнікі атрымалі граматы і агульныя апладысменты.
