Дзіцячая бібліятэка на старонках ”Вясёлкі“
У галоўным дзіцячым часопісе Беларусі ”Вясёлка“ за ліпень 2023 года надрукаваны дзве творчыя работы ўдзельніц літаратурнага клуба ”Жывое слова“, дасланыя на конкурс ”Самая дарагая рэч у доме“, арганізатарам якога выступае часопіс ”Вясёлка“ і Саюз пісьменнікаў Беларусі.
Цэлы разварот, на старонках 20 і 21, дзіцячага часопіса адведзены нашым дзяўчатам: Кіры Нікалаевай і Ганне Пальчэх. Кіраўнік клуба Людміла Казіцкая паведаміла, што ў канцы года рэдакцыя часопіса падвядзе вынікі конкурсу і мы вельмі спадзяёмся, што дзяўчаты будуць сярод пераможцаў!
