ДЗІЎНАЯ ЗОРКА МАКСІМА БАГДАНОВІЧА
У Каўшэлеўскай бібліятэцы прайшла паэтычная гасцёўня ”Дзіўная зорка Максіма Багдановіча“, прысвечаная 130-годдзю з дня нараджэння паэта. Госці свята пазнаёміліся з цікавымі фактамі з біяграфіі беларускага класіка, даведаліся пра дзіцячыя гады паэта, аб яго шматграннай асобе. На працягу мерапрыемства гучалі вершы беларускага паэта ў выкананні ўдзельніц клуба па інтарэсах ”Хозяюшка“: ”Слуцкія ткачыхі“, ”Старасць֧“, байка ”Варона і чыж“. З вялікім задавальненнем удзельнікі мерапрыемства праслухалі раманс ”Зорка Венера“.
Мясцовая паэтка Надзея Вайцюль пазнаёміла прысутных са зборнікам ”Не злічыць у сэрцы светлых дум“, які быў выдадзены да дня нараджэння паэта і прачытала два сваіх вершы ”Будзе жыць яго імя“, ”Музыка“ паводле ”Апокрыфа“ Максіма Багдановіча.
