ДЗЕНЬ ВЕДАЎ У БІБЛІЯТЭКАХ
“Я ВЫРАС ТУТ, І КРАЙ МНЕ ГЭТЫ ДАРАГІ” – пад такой назвай у першы дзень верасня ў Германавіцкай і раённай бібліятэках прайшлі мерапрыемствы.
Бібліятэкар Германавіцкай бібліятэкі Таццяна Хоміч запрасіла да сябе вучняў пачатковых класаў, якія падчас гульні-віктарына пашырылі свае веды аб родных Германавічах.
Супрацоўнікі раённай бібліятэкі разам з вучнямі 5 “А” класа УА “Сярэдняя школа № 1 г.п. Шаркаўшчына” і іх класны кіраўнік Т.У. Фядотава здзейснілі падарожжа па вуліцах Шаркаўшчыны, праходзячы па якіх прыгадвалі чаму менавіта такую назву атрымала вуліца. На плошчы 1 Мая палажылі кветкі да памятнага знаку Р.С. Кудрыну, пакланіліся апекуну Шаркаўшчынскай зямлі – К.Жданаву, помнік якому пастаўлены на скрыжаваннях вуліцы імя Энгельса і плошчы 1 Мая.
У чытальнай зале юных падарожнікаў сустракала Святлана Заіка, майстар выцінанкі, якая пазнаёміла ўдзельнікаў мерапрыемства з беларускімі народнымі рамёствамі.
