ДЗЕНЬ МАЦІ Ў БІБЛІЯТЭКАХ СІСТЭМЫ
14 кастрычніка ў Рэспубліцы Беларусь адзначаецца Дзень маці. Добрым, мілым і любым матулям у нашай ЦБС было прысвечаны шэраг мерапрыемстваў.
Бібліятэкар Раіса Гракава завітала ў аддзяленне дзённага знаходжання для інвалідаў тэрытарыяльнага цэнтра сацыяльнага абслугоўвання насельніцтва, дзе правяла мерапрыемства пад назвай “Увесь свет пачынаееца з маці”. Удзельнікі мерапрыемства з вялікай ахвотай ўдзельнічалі ў конкурсах, давалі трапныя адказы на загадкі.
Бібліятэкар Радзюкоўскай сельскай бібліятэкі Валянціна Абрамава ў Дзень маці запрасіла жанчын з клуба па інтарэсах “Радзюкоўскія гаспадынькі” на літаратурна-музычны вечар “Все на земле от материнских рук” каб у цёплай сяброўскай атмасферы павіншаваць іх са святам.
У Дворнаўскай бібліятэцы прайшла гадзіна памяці “Часцінка мамінай душы жыве ў нас навечна”, падчас якой удзельніцы ўзгаданы сваіх матуль, якія адышлі ў вечнасць.
У Буеўшчынскай сельскай бібліятэцы-клубе адбылося свята “Маці, матуля – сонейка маё”. Да мерапрыемства была падрыхтавана кніжная выстава, на якой былі прадстаўлены творы беларускіх і рускіх пісьменнікаў пра маці. Удзельніцы свята чыталі вершы, спявалі песні, дзяліліся ўспамінамі пра сваіх матуль.
Юныя чытачы Велікасельскай сельскай бібліятэкі прынялі ўдзел у конкурсе малюнкаў “Ты на свете лучше всех”. Кожны з удзельнікаў мерапрыемства, прадстаўляючы свой малюнак, расказаў аб сваёй матулі. Некаторыя, нават, прысвяцілі вершаваныя радкі самым любым і дарагім.
