Дзень Канстытуцыі ў бібліятэках
15 сакавіка – Дзень Канстытуцыі Рэспублікі Беларусь. Да гэтай значнай даты ў бібліятэках сістэмы прайшлі мерапрыемствы.
Юным чытачам Буеўшчынскай сельскай бібліятэкі-клуба падчас віктарыны ”Наша спадчына“ было нагадана аб значэнні Канстытуцыі для дзяржавы і для кожнага грамадзяніна ў цэлым. Атрыманыя веды былі замацаваны адказамі на пытанні віктарыны.
Бібліятэкар Велікасельскай сельскай бібліятэкі-філіяла правяла гутарку ”Я – грамадзянін Рэспублікі Беларусь“, падчас якой распавяла непаўналетнім аб галоўным законе краіны. Удзельнікі мерапрыемства даведаліся, што такое ”закон“, ”парадак“, ”права“, замацавалі ўяўленні аб тым, якія правы ёсць у дзяцей нашай краіны.
Бібліятэкар Германавіцкай сельскай бібліятэкі-філіяла навелася ў аддзяленне кругласутачнага знаходжання пажылых і інвалідаў вёскі Дзікева ДУ ”Тэрытарыяльны цэнтр сацыяльнага абслугоўвання насельніцтва Шаркаўшчынскага раёна“ і павіншавала прысутных з Днём Канстытуцыі. Паведаміла пра гэта свята, звярнула ўвагу на тое, што ў Канстытуцыі Рэспублікі Беларусь замацаваны асноўныя накірункі сацыяльнай палітыкі, у аснове якой – чалавек.
