Дзень экалагічных ведаў
Кожны год 15 красавіка ў Беларусі адзначаецца Дзень экалагічных ведаў. З гэтай нагоды бібліятэкар Германавіцкай сельскай бібліятэкі Хоміч Т.Г. разам з настаўніцай біялогіі Фёдаравай М.А. арганізавалі для вучняў 6 класа ДУА ”Германавіцкая сярэдняя школа Шаркаўшчынскага раёна“ экалагічную гадзіну ”Экалогія душы“.
Асноўнай мэтай мерапрыемства з’яўлялася прапаганда экалагічных ведаў і фарміраванне экалагічнай культуры сярод падлеткаў.
Мерапрыемства праходзіла ў экалагічным класе ”Прырода роднага краю“. Для ўдзельнікаў была арганізавана вандроўка ў прыроду, дзе дзеці змаглі пашырыць свае веды па біялогіі, геаграфіі, экалогіі.
Падчас сустрэчы Таццяна Генадзьеўна імкнулася данесці хлопчыкам і дзяўчынкам тое, што ад экалагічнай культуры падрастаючага пакалення залежыць будучае ўсёй планеты. Канешне, вырашыць глабальныя экалагічныя праблемы магчыма толькі сумеснымі намаганнямі, але палепшыць экалогію месца пражывання па сілах нават аднаму чалавеку.
Напрыканцы мерапрыемства Марына Аляксандраўна яшчэ раз нагадала аб правілах паводзін на прыродзе. Прырода жыве, як і чалавек; ёй таксама ўласцівы боль і радасць, надзея на заўтрашні дзень.