Дзень без аўтамабіля
22 верасня чарговы раз ў Рэспубліцы Беларусь прайшла акцыя пад назвай ”Дзень без аўтамабіля“, галоўная мэта якой нагадаць людзям аб негатыўным уплыве аўтамабіляў на навакольнае асяроддзе.
Далучыліся да экалагічнай акцыі некаторыя бібліятэкі і нашай ЦБС.
Бібліятэкар цэнтральнай раённай бібліятэкі Валянціна Бука на плошчы 1 Мая сустракала ўладальнікаў аўтамашын і заклікала іх адмовіцца ад выезду на аўтамабілях хаця б у гэты дзень. У якасці доказу прыводзіла важкія факты, змешчаныя на інфармацыйнай лістоўцы. Напрыклад тое , што у Беларусі больш за 3 мільёны асабістых легкавых аўтамабіляў. У сярэднім на 1 тысячу чалавек прыпадае 320 машын. Аўтамабіль сярэдняга класа падчас руху вырабляе 500 грам шкодных газаадходаў кожныя 40 кіламетраў. Выкіды аўтатранспарту – гэта набор таксічных элементаў: вокіс вугляроду, вокіс азоту, вуглевадароды, вокіслы серы, злучэнні цяжкіх металаў і інш. Некаторыя з рэчываў, здольныя назапашвацца ў прыродным асяроддзі і ўяўляюць сур’ёзную пагрозу як для навакольнага асяроддзя, так і здароўя людзей.
Лужкаўская сельская бібліятэка-філіял арганізавала экалагічны флэшмоб ”На работу – на веласіпедзе!“. Удзельнікі флешмобу паказалі акружаючым, што язда на двухкалёсным сябры – гэта эканамічны, лёгкі, экалагічны і весёлы спосаб перамяшчэння, а яшчэ – неад’емная частка здаровага ладу жыцця і з упэўненасцю назвалі 15 прычын, якія сталі выдатнай матывацыяй карысці язды на веласіпедзе.
