ДЭТЭКТЫЎ ЗАПІСАНЫ Ў АКТЫЎ
Чалавек вучыцца, чалавек працуе, чалавек адпачывае і адчувае сябе цалкам шчаслівым і знайшоўшым сябе. Але ў адзін з дзён яму чагосьці раптам мала: звычайнай шчырай гутаркі, простых і зразумелых слоў, кароткіх, бясхітрасных выразаў, якімі ён карыстаўся калісьці, узнікае патрэба ў чымсьці невядомым і высокім, у чымсьці арыгінальным і эксклюзіўным. Ён раптам неспадзявана для сябе і акружаючых пачынае пісаць вершы, апавяданні або сачыняць мелодыі, маляваць, карацей гаворачы – тварыць. Мабыць, так прадпісана небам, інакш чым яшчэ можна растлумачыць метамарфозы, якія збываюцца.
Па-сяброўску, па-добраму, па цёпламу сабраліся супрацоўнікі раённай бібліятэкі і аматары творчасці нашага земляка, члена Саюза пісьменнікаў Беларусі, уладальніка медаля Францыска Скарыны, лаўрэата Нацыянальнай літаратурнай прэміі ў намінацыі ”Лепшы твор прозы 2020 года“ за кнігу ”Парыж, Эйфелева вежа і …“ Праўдзіна Віктара Аляксандравіча на творчы вечар ”Дэтэктыў запісаны ў актыў“.
Да сустрэчы была падрыхтавана выстава кніг, аўтарам якіх з’яўляецца В. Праўдзін. Больш за гадзіну пісьменнік цікава расказваў пра свае кнігі і адказваў на пытанні ўдзельнікаў мерапрыемства.
Сустрэча з пісьменнікам пакінула прыемныя ўражанні, бо Віктар Праўдзін шчыры ў словах і пачуццях, таму створаныя ім літаратурныя вобразы ўспрымаюцца, як рэальныя.
Дзякуючы сустрэчы з пісьменнікам, удзельнікі даведалася пра сайт, які змяшчае інфармацыю аб яго творчай дзейнасці.
