Дарожны эрудыт
Мерапрыемствы, прысвечаныя тэме правіл дарожнага руху, заўсёды актуальныя. І толькі на першы погляд гэтыя правілы простыя і зразумелыя.
З мэтай удасканальвання ведаў падлеткаў правіл дарожнага руху і ўмення арыентавацца ў разнастайных дарожных знаках у Германавіцкай сельскай бібліятэцы прайшла пазнавальная гадзіна "Дарожны эрудыт".
Бібліятэкар разам з дзецьмі разыгралі розныя дарожныя сітуацыі, пры дапамозе якіх былі замацаваны веды па правілах дарожнага руху.
Напрыканцы мерапрыемства ўсе прысутныя адзначылі, што вельмі важна не толькі ведаць, але і выконваць правілы дарожнага руху, каб пазбегнуць няшчасных выпадкаў на дарозе.
