Да Дня Незалежнасці Рэспублікі Беларусь
3 ліпеня Рэспубліка Беларусь адзначае Дзень Незалежнасці. Менавіта ў гэты дзень у 1944 годзе ў выніку паспяховай Беларускай аперацыі пры ўзаемадзеянні 1-га и 3-га Беларускіх франтоў і пры падтрымцы партызан сталіца нашай Радзімы была вызвалена ад нямецка-фашысцкіх захопнікаў.
Да гэтай знамянальнай даты з 8 мая па 3 ліпеня ў нашай ЦБС праходзіла патрыятычная акцыя “Запалі зорку памяці”. Мэта акцыі – пакланіцца гераічнаму подзвігу народа ў гады Вялікай Айчыннай вайны, прыгадаць імёны ўдзельнікаў і ветэранаў-землякоў Вялікай Айчыннай вайны, якія не шкадуючы свайго жыцця, адстаялі свабоду і незалежнасць нашай Радзімы.
Сімвалам герояў з’яўляецца пяціканцовая зорка. Тыя, хто каваў перамогу на франтах і ў тыле вартыя называцца героямі, бо для таго, каб перамагчы ўсім, неабходна было перамагчы кожнаму.
Наведвальнікам бібліятэк прапаноўвалася знайсці ў кнізе “Памяць. Шаркаўшчынскі раён” прозвішча сваяка ці земляка, які з’яўляўся ўдзельнікам вайны і ўпісаць яго прозвішча ў маленькую зорку і размясціць на карце Шаркаўшчынскага раёна.
Увазе чытачоў раённай бібліятэкі была прапанавана разгорнутая кніжная выстава “Квітней, красуй, мая Беларусь!”.
