ДА 120-ГОДДЗЯ УЛАДЗІМІРА ДУБОЎКІ
Уладзімір Дубоўка (1900–1976) – адзін з вядучых беларускіх пісьменнікаў, перакладчык, літаратурны крытык і мовазнаўца, які большую частку свайго жыцця быў вымушаны жыць далёка ад радзімы.
Дзякуючы свайму таленту, паэтычнай адметнасці ён зрабіў каштоўны ўнёсак у скарбніцу нацыянальнай культуры, узбагаціў беларускую літаратуру яркімі паэтычнымі вобразамі.
У Васюкоўскай бібліятэцы была аформлены выстава аднаго партрэта “Як зорка ясная над родным краем”, прысвечаная 120-годдзю з дня нараджэння пісьменніка.
У Зоркаўскай бібліятэцы прайшоў агляд пад назвай “Жыццё закон нязломны мае – ніколі праўда не ўмірае”. Увага была засяроджана менавіта на дзіцячых творах Уладзіміра Дубоўкі. Хлопчыкі і дзяўчынкі з заміраннем слухалі гісторыю прыгод ў тайзе хлопчыка Аліка (“Як Алік ў тайзе заблудзіўся”). Затым па ролях прачыталі казку “Як Сінячок да сонца лётаў”. Трэба адзначыць, што дзецям вельмі спадабалася адчуваць сябе героямі казак, таму сустрэча прайшла весела і цікава.
