ЧЫТАЕМ ПАД МІРНЫМ НЕБАМ
3 ліпеня ў Шаркаўшчыне, як я паўсюль у нашай краіне, святкавалі Дзень Незалежнасці Рэспублікі Беларусь і 78-ю гадавіну вызвалення Шаркаўшчынскага раёна ад нямецка-фашысцкіх захопнікаў. У рамках свята ”Прыдзісненскія крыніцы“ работнікі аддзела бібліятэчнага маркетынгу Шаркаўшчынскай районнай бібліятэкі арганізавалі бібліятэчнаю пляцоўку пад назвай ”Чытаем пад мірным небам“, якая прысвечана Году гістарычнай памяці. Галоўны акцэнт пляцоўкі – ушанаванне памяці нашых землякоў, якія не шкадуючы свайго жыцця здабылі нам мір, свабоду, незалежнасць. На выставе-інсталяцыі былі прадстаўлены фотаздымкі нашых землякоў-ветэранаў, якія пражывалі на тэрыторыі Шаркаўшчынскага раёна. Адно з галоўных месц на экспазіцыі займалі два малюнкі юных чытачоў з выставы творчых работ ”Пламя вайны“. Гэту выставу накануне свята арганізавала ў сваіх сценах дзіцячая бібліятэка.
Даведацца пра падзеі Вялікай Айчыннай вайны дапамагалі мастацкія творы, змешчаныя на выставе ”Читаем книги о войне“ і відэапрэзентацыя ”В книжной памяти мгновения войны“. Для ўдзельнікаў бібліядвара была арганізавана віктарына ”Наш край в огне пожарищ“. За правільныя адказы ўдзельнікі атрымалі каляндарыкі з выявамі гісторыка-культурных помнікаў Шаркаўшчыны.
На бібліятэчнай пляцоўцы дзейнічала патрыятычная акцыя ”Запалі зорку памяці“. Удзельнікі змаглі ўзгадаць сваіх родных, блізкіх, землякоў-ветэранаў Вялікай Айчыннай вайны, напісаць на зорцы прозвішча, імя і імя па бацьку і замацаваць яе на карце Шаркаўшчынскага раёна.
Шаркаўшчынскі край славіцца працавітымі і таленавітымі людзьмі, якія сваёй працай услаўляюць нашу малую Радзіму. Увазе наведвальнікаў была прапанавана выстава літаратуры ”Шаркаўшчына літаратурная“, на якой былі прадстаўлены творы як класікаў беларускай літаратуры М.Машары і М.Воранава, членаў Саюза пісьменнікаў Беларусі В. Праўдзіна, К. Сосна, М.Кукуця, В. Лагуна, так і самадзейных пісьменнікаў, удзельнікаў народнага літаратурна-мастацкага аб’яднання ”Світанак“.
Для добрага настрою ўсе жадаючыя змаглі пакаштаваць цукеркі з кніжнай талеркі, на якіх былі змешчаны цікавыя факты пра жыццё Шаркаўшчынскага раёна.
