Чароўны свет кнігі
Германавіцкую сельскую бібліятэку завіталі вучні 1 класа ДУА ”Геманавіцкая сярэдняя школа Шаркаўшчынскага раёна“, для іх бібліятэкар Таццяна Хоміч правяла цікавую экскурсію-дыялог ”Чароўны свет кнігі“.
Падчас экскурсіі бібліятэкар пазнаёміла дзяцей з правіламі паводзін у бібліятэцы і карыстання кнігай. Расказала, што для кожнай кнігі ў бібліятэцы ёсць свой домік: стэлаж, які складаецца з кніжных паліц і на кожнай вокладцы ёсць назва кнігі і аўтар, які яе напісаў, пазнаёміла з дзіцячымі часопісамі. Т. Хоміч растлумачыла, як можна знайсці кнігі на стэлажах і прапанавала дзецям знайсці месца для пэўнай кнігі.
Напрыканцы экскурсіі вучні змаглі паўдзельнічаць у літаратурнай віктарыне па беларускіх народных казках. Бібліятэкар імкнулася дапамагчы дзецям пагрузіцца ў чароўны свет кніг, бо многія з дзяцей прыйшлі першы раз у бібліятэку. Вельмі цікава было назіраць за першакласнікамі: з цікаўнымі агеньчыкамі ў вочках яны перагортвалі старонку за старонкай кнігі, разглядвалі малюнкі, а некаторыя нават тулілі кнігу да сябе. Усе вучні першага класа сталі чытачамі бібліятэкі.
