Чарнобыль у нашай памяці
У памяць аб аварыі на Чарнобыльскай атамнай станцыі ў Велікасельскай сельскай бібліятэцы адбылася экагадзіна ”Чарнобыль – чорны боль“, падчас якой бібліятэкар расказала аб падзеях Чарнобыльскай трагедыі: аб прычынах аварыі, мужнасці і гераізму яе ліквідатараў, аб наступствах аварыі для насельніцтва і навакольнага асяроддзя. Удзельнікі мерапрыемства прачыталі вершы вядомых беларускіх паэтаў: М.Мятліцкага, Г. Бураўкіна, В.Вабішчэвіча, Р.Барадуліна, Н. Гілевіча, П. Панчанкі, М. Танка, А. Вялюгіна.
Бібліятэкары Лужкаўскай сельскай бібліятэкі падчас мерапрыемтва ”Двадцать секунд, которые потрясли мир“ расказалі ўдзельнікам аб трывожнай, напоўненай смуткам даце для беларускага народа – Чарнобыльскай катастрофе. У час сустрэчы былі агучаны звесткі пра наступствы і вынікі аварыі на Чарнобыльскай АЭС.
Удзельнікі з цікавасцю пазнаёміліся з выставай літаратуры, на якой былі прадстаўлены тэматычныя дакументальныя матэрыялы, а таксама вершы, апавяданні, эсэ сучасных пісьменнікаў і паэтаў.
Шырокаму колу чытачоў прызначаліся выставы літаратуры ў дзіцячай і Васюкоўскай сельскай бібліятэцы, на якіх былі прадстаўлены мастацкія творы, распавядаючыя пра падзеі тэхнагеннай катастрофы, і ўспаміны ліквідатараў, змешчаныя ў тэматычнай папцы ”Пад знакам Чарнобыля“.
