Бяспека ў кожны дом
У межах Адзінага дня бяспекі ў Лужкаўскай сельскай бібліятэцы сумесна з работнікамі пажарнага аварыйна-выратавальнага паста № 13 аг. Лужкі для вучняў 6-7 класаў ДУА ”Лужкаўская сярэдняя школа Шаркаўшчынскага раёна“ адбылася сустрэча пад назвай ”Школа бяспекі“.
На пачатку мерапрыемства дзеці пазнаёміліся з правіламі бяспекі на вадзе, у лесе і на вуліцы, як правільна паводзіць сябе ў надзвычайных сітуацыях, якія здараюцца з намі ў паўсядзённым жыцці. Галоўным момантам сустрэчы стала тэма пажарнай бяспекі, асцярожнаму абыходжанню з агнём. Бібліятэкар Л.Гугалінская правяла для дзяцей цікавую і пазнавальную віктарыну ”У краіне бяспекі“, у якой яны актыўна прынялі ўдзел, даючы поўныя адказы па тэме правільнага абыходжання з бытавымі электрапрыборамі, з петардамі і спічкамі, выказваючы свае меркаванні і навыкі бяспекі.
Самым эмацыянальна цікавым і пазнавальным момантам сустрэчы стаў практычны занятак ад работнікаў пажарнага аварыйна-выратавальнага паста. Яны расказалі аб цяжкай, смелай, адказнай і находлівай працы пажарнага-выратавальніка, пазнаёмілі з амуніцыяй пажарных і нават далі прымерыць на сябе дзецям некаторыя рабочыя дэталі баявога адзення: камбенізон, каску, шлем.
