Булінг або як не стаць ахвярай
Сёння застаецца актуальнай праблема наўмысных негатыўных дзеянняў і жорсткасці ў дзіцячым і падлеткавым асяроддзі. Гэта з’ява называецца булінг. Каб у даверлівай, сяброўскай атмасферы абмеркаваць і зразумець пачуццё ахвяры булінга і паводзіны агрэсара, а самае галоўнае, разам знайсці шляхі дапамогі пацярпеламу дзіцяці і паспрабаваць разабрацца ў праблеме ў цэлым, бібліятэкары Лужкаўскай сельскай бібліятэкі сумесна з сацыяльным педагогам Таццянай Ананьеўнай Эйтміновіч ДУА ”Лужкаўскай сярэдняя школа Шаркаўчынскага раёна“ правялі для дзяцей старэйшага школьнага ўзросту псіхалагічны трэнінг ”Булінг або як не стаць ахвярай“.
Удзельнікі пазнаёміліся з паняццем ”булінг“, яго сацыяльнай структурай і магчымымі наступствамі. Кожны з прысутных мог выказаць сваё меркаванне па дадзенай тэме, удзельнічаючы ў разглядзе прапанаваных практыкаванняў з цяжкімі жыццёвымі сітуацыямі. Падлеткі, удзельнічаючы ў псіхалагічным тэсце ”Чаму так бывае?“, спрабавалі высветліць сітуацыю, у якой аказваюцца ”агрэсар“, ”ахвяра“ ці “сузіральнік” і прычыны паводзін удзельнікаў булінга. Увазе суразмоўцаў прапанавалася псіхалагічнае практыкаванне ”Міф або рэальнасць“, якое дапамагло разабрацца ў фактах булінга і яго наступствах. У час сустрэчы юнакі і дзяўчаты абмяркоўвалі жыццёвыя сітуацыі і з эмоцыямі, перажываннем адносіліся да дзяцей, якія аказаліся ў цяжкім маральным становішчы. Асабліва цікавай для абмяркавання аказалася тэма сямейнага булінга.
