БУДУЧЫНЯ Ў НАШЫХ РУКАХ
Аб праблемах экалогіі ў апошні час гавораць часта, ад іх рашэння залежыць наша жыццё і жыццё будучага пакалення. У рамках Дня экалагічных ведаў у бібліятэцы для навучэнцаў 5 класа УА ”Германавіцкая дзіцячы сад-сярэдняя школа Шаркаўшчынскага раёна“ прайшла экалагічная гадзіна ”Будучыня ў нашых руках“. Мэта якога: выхоўваць у дзяцей экалагічную культуру, пашыраць іх веды аб экалогіі, развіваць творчыя здольнасці, вучыць працаваць з даведачнай літаратурай.
Дзеці працавалі з Чырвонай кнігай, знаходзілі інфармацыю пра лекавыя расліны і іх якасці, прыдумвалі легенды на экалагічную тэму.
Разам з захапленнем прыгажосцю прыроды, яе незвычайнымі з’явамі, мы павінны памятаць, што трэба клапаціцца аб яе ахове, таму што ўплыў гаспадарчай дзейнасці на навакольнае асяроддзе пастаянна ўзрастае. Уздзеянне чалавека на прыроду, што асабліва ўзмацнілася ў апошні час, у многіх выпадках прывяло да негатыўных, часта незваротных наступстваў. У цяперашні час ахова навакольнага асяроддзя з’ўляецца адной з самых вострых, актуальных праблем.
У якасці рэфлексіі ўдзельнікам мерапрыемства было прапанавана заданне: аформіць шчыт, які можна ўсталяваць пры ўваходзе ў лес. Дзеці з задавальненнем выканалі гэта заданне, надпісы на шчытах атрымаліся розныя, але думка была адна: беражлівыя адносіны да прыроды.
