Бібліялетнік: нацыянальная кніга
15 жніўня ў гарадскім пасёлку Шаркаўшчыны адбылося штогадовае свята густу і традыцый «Яблачны фэст». На свяце працавала бібліятэчная інтэрактыўная пляцоўка «Бібліялетнік: нацыянальная кніга». Наведвальнікам пляцоўкі было прапанавана акунуцца ў атмасферу творчасці класікаў беларускай літаратуры.
Святочная атмасфера панавала на пляцоўцы з першых хвілін яе працы. Арганізатары падрыхтавалі для наведвальнікаў разнастайную праграму, у якой кожны – ад малога да вялікага – знайшоў нешта для сябе.
Цэнтральным элементам пляцоўкі стала выстава літаратуры «Топ-10 кніг, якія павінен прачытаць кожны». Тут былі прадстаўлены творы, што ўвайшлі ў залаты фонд нацыянальнай літаратуры і якія, на думку бібліятэкараў, варта адкрыць для сябе кожнаму чытачу.
Сапраўдным хітом стала інтэрактыўная гульня «Літаратурны аракул» – наведвальнікі маглі атрымаць адказ на сваё пытанне, звярнуўшыся да мудрасці кніжных радкоў. Не меншы цікавасць выклікаў і «Літаратурны гараскоп», дзе кожны жадаючы мог даведацца свой літаратурны лёс на бліжэйшы час.
Арганізатары паклапаціліся і пра юных чытачоў. Для дзяцей таксама працавала выстава «Топ-10 кніг, якія павінен прачытаць кожны», адаптаваная пад дзіцячы ўзрост.
Малыя з захапленнем гулялі ў незвычайныя шашкі з яблыкамі, дзе традыцыйныя фігуры саступілі месца сакавітым пладам. Гульня «Мемо» дапамагала дзецям развіваць увагу і логіку ў вясёлай кампаніі аднагодкаў. А пазлы-кубікі з малюнкамі беларускіх народных казак ператваралі знаёмства з нацыянальным фальклорам у захапляльную гульню, дзе кожны мог сабраць сваю любімую казку.
Інтэрактыўная пляцоўка «Бібліялетніка: нацыянальная кніга» ў чарговы раз даказала: бібліятэка – гэта не проста сховішча кніг, а жывая прастора для зносін, творчасці і адкрыццяў. Арганізатары ўдала спалучылі адукацыйны і забаўляльны фарматы, зрабіўшы літаратуру даступнай і прывабнай для ўсіх узростаў.
Кніга заўсёды побач – трэба толькі працягнуць руку.
