Бібліяаўтаклубны дэсант
30 лістапада бібліятэкары раённай бібліятэкі разам з супрацоўнікамі сектара нестацыянарных формаў абслугоўвання насельніцтва раённага Цэнтра культуры прынялі ўдзел у метадычным дні па выніках абластнога праекту па арганізацыі форм работы нестацыянарнага абслугоўвання сельскага насельніцтва ў г. Верхнядвінск. Разам з калегамі з другіх раёнаў на ”культурным экспрэсе“ адравіліся ў падарожжа па маршрутах руху бібліёбусаў і аўтаклубаў.
Завітаў ”культурны экспрэс“ і ў Шаркаўшыну. Бібліятэкары М.Сушко і Н.Сырцова на выставе-прэзентацыі ”Бібліяаўтаклубны дэсант“ пазнаёмілі ўдзельнікаў мерапрыемства з работай бібліёбуса раённай бібліятэкі ў рамках абласнога праекту ”Бібліяаўтаклубны дэсант“.
Напрыканцы прэзентацыі ўсе пагадзіліся з думкамі, што дзякуючы прыезду бібліёбуса жыхары аддаленых вёсак заўсёды своечасова змогуць атрымаць патрэбную інфармацыю, абмяняць літаратуру, цікава правесці вольны час і тым самым не адчуваць сябе ўшчэмленымі ў бібліятэчным абслугоўванні.
