Бенефіс часопіса
У цэнтральнай раённай бібліятэцы для людзей пажылога ўзросту адбыўся бенефіс часопіса “Алеся”, прымеркаваны да 100-годдзя з дня выхаду першага нумара.
Іна Суднік, бібліятэкар аддзела абслугоўвання і інфармацыі цэнтральнай раённай бібліятэкі, распавядала аб гісторыі стварэння часопіса. Першы нумар часопіса пабачыў свет напрыканцы лістапада 1924 года. Называўся ён тады “Беларуская работніца і сялянка”. У 1995 годзе часопіс быў перайменаваны ў “Алеся”, што стала сімвалам павагі да беларускай культуры і традыцый. За гады свайго існавання часопіс па праву атрымаў усенароднае прызнанне. Творчы калектыў стараецца ўлічваць і векавую гісторыю выдання, і актуальныя трэнды цяперашняга часу. Прадстаўніцы кожнага пакалення беларусак знойдуць у часопісе штосьці карыснае. Гэта: інтэрв’ю з зоркамі і цікавымі асобамі, парады і трэнінгі ад аўтарытэтных псіхолагаў, актуальныя тэндэнцыі сусветнай моды, сакрэты догляду за сабой, ідэі для вясёлага і карыснага адпачынку, незвычайныя рэцэпты і іншае.
За кубачкам гарбаты у цёплай шчырай атмасферы ўдзельніцы мерапрыемства знаёміліся з гераінямі часопіса “Алеся”: лідарамі жаночага руху, стваральніцамі паспяховых праектаў, прадстаўніцамі творчых прафесій, перагортвалі старонкі выдання, на якіх змешчаны паэтычныя радкі, услаўляючыя родныя краявіды, прыроду, жанчыну-маці і наогул, дарагую Беларусь.
