Белы бусел – сімвал роднай Беларусі
Бібліятэкары Лужкаўскай сельскай бібліятэкі для дзяцей дашкольнага ўзросту у рамках мэтавай праграмы ”Ад роднай мовы і культуры да чалавецтва крок зрабі“ правялі хвіліну радзімазнаўства ”Белы бусел – сімвал роднай Беларусі“, прымеркаваную да Года міру і стварэння. У час сустрэчы ў гульнёва-пазнавальнай форме дзеці разам з Прыгажуняй Вясной і белакрылым Буслом вялі аповед пра нашу прыгожую краіну Беларусь, чыталі вершы, спявалі песні, танчылі, гулялі ў беларускія гульні.
Разам з Вясной і Буслікам дзеці пазнавалі дзівосны свет нашай роднай зямлі праз вершы беларускіх паэтаў. Юныя ўдзельнікі з задавальненнем расказвалі вершы Яніны Жабко і Міхася Пазнякова, якія апяваюць любоў да Радзімы, услаўляюць мужнасць і сяброўства. Чараўніца Вясна нагадала, што хутка ўсё зазелянее, наша Беларусь стане яшчэ прыгажэйшай і мы – беларусы будзем любіць і шанаваць нашу Радзіму яшчэ больш.
