Балота ў жыцці чалавека
Аб праблемах экалогіі ў наш час шмат гавораць, ад іх рашэння залежыць наша жыццё. Да Сусветнага дня водна-балотных угоддзяў у Германавіцкай сельскай бібліятэцы адбылася экалагічная гадзіна ”Балота ў жыцці чалавека”. Гэты дзень для Беларусі асабліва значны, так як у нашай краіне знаходзіцца вялікая колькасць балот. Наша Віцебская вобласць асабліва імі багатая.
На мерапрыемства былі запрошаны вучні ДУА ”Германавіцкая дзіцячы сад-сярэдняя школа“, для якіх выступіў грамадскі эколог установы адукацыі Фёдарава М.А.
На пачатку мерапрыемства Фёдарава М.А. паведаміла прысутным аб тым, якое значэнне маюць балоты для жыцця чалавека і як важна іх захаваць, і нездарма гэты дзень праходзіць пад дэвізам ”Аднаўленне балот”.
Бібліятэкар Таццяна Хоміч пазнаёміла дзяцей з легендамі і паданнямі, якія існуюць пра балоты Віцебскай вобласці.
Падчас мерапрыемства ўдзельнікі былі не пасіўнымі слухачамі: вызначалі насельнікаў балота “Ельня”, прапаноўвалі правілы паводзін падчас знаходжання на балоце і інш.
Да мерапрыемства бібліятэкар падрыхтавала выставу кніг пра балота ”Ельня”.
