Арт-праграма “Ноч хараства”
6 ліпеня ў дзень святкавання Івана Купалы ў дзіцячай бібліятэцы адбылася цікавая арт-праграма “Ноч хараства”. Свята было прысвечана любімаму песняру беларускага народа – Янку Купалу. Без яго купальскі дзень ніяк не адчуваецца, бо дзень нараджэння песняра – у купальскую ноч. Усе жадаючыя змаглі пазнаёміцца з кніжнай выставай твораў знакамітага аўтара. Юныя чытачы прынялі ўдзел у гульнях і абрадах, спявалі песні. У выкананні ўдзельнікаў літаратурнага клуба “Жывое слова”: Насці Федаровіч, Кіры Нікалаевай, Ксеніі Брандзінай, Лізы Цыбулька, Ані Пальчэх; увазе прысутных гучала імпрэза паводле паэмы Янкі Купалы “Курган” і “Сон на кургане”.
Напрыканцы свята прайшоў майстар-клас па вырабу купальскага вянка. Святочную сустрэчу завяршылі гукамі народнай глінянай свістулькі.
