АД ЗЕРНЯ – КОЛАС, АД СЛОВА – МОВА
3 лістапада ў Радзюкоўскай бібліятэцы прайшла інтэлектуальная гульня ”Ад зерня – колас, ад слова – мова“. Бібліятэкар распавяла прысутным аб роднай мове, яе важнай ролі для народа і краіны, яе гісторыі.
Удзельнікі мерапрыемства дакрануліся да крыніц беларускай мовы, пазнаёміліся з вершамі, апавяданнямі, казкамі, беларускіх аўтараў. Успомнілі беларускія прыказкі і прымаўкі, загадкі і прыкметы, жарты і лічылкі. Прынялі ўдзел у гульні-віктарыне ”Ці ведаеш ты сваю родную мову?“. Свята запомнілася ўсім. Кожны зразумеў, што трэба любіць і шанаваць родную мову, бо менавіта ў ёй – гісторыя народа.
