Абрад калядавання
З даўніх часоў на Беларусі існуе самае вясёлае свята – Каляды. Любімай справай нашых продкаў былі святочныя калядаванні. Адбыўся абрад калядавання і ў аграгарадку Буеўшчына, які арганізавала і правяла разам з актыўнымі чытачамі бібліятэкар Буеўшчынскай сельскай бібліятэкі-клуба-філіяла Наталля Кандрацьева.
Пераапнуўшыся ў персанажаў Каляды, калядоўшчыкі са смехам і песнямі заходзілі ў панадворкі аднавяскоўцаў, выконвалі беларускія народныя песні, якія ўслаўлялі працавітасць і шчодрасць гаспадароў.
Сімвалам урадлівасці ў абрадзе выступала Каза, таму яе падчас наведвання двароў аднавяскоўцаў гаспадар і гаспадыня адорвалі рознымі прысмакамі, пірагамі ды печывам.
