Абрад "Гуканне вясны"
22 сакавіка ў Буеўшчынскай сельскай бібліятэцы-клубе-філіяле прайшоў абрад “Гуканне вясны”. Звычайна гэты абрад праводзяць у канцы сакавіка, калі доўгая і халодная зіма заканчваецца, а на змену ёй прыходзіць цёплая і светлая вясна.
У пачатку мерапрыемства бібліятэкар пазнаёміла ўдзельнікаў мерапрыемства з гісторыяй узнікнення свята “Саракі”. Сумесна з удзельнікамі прыгадалі прыкметы надвор’я, адгадвалі загадкі, “гукалі вясну”, дзеля таго, каб развітацца з зімой і паскорыць надыход тяпла. Таксама пагулялі ў беларускія народныя гульні “Воран” і “Воўк і гусі”, частаваліся чаем і печывам у выглядзе птушак.
