ДА 130-ГОДДЗЯ З ДНЯ НАРАДЖЭННЯ МАКСІМА ГАРЭЦКАГА
18 лютага споўнілася 130 год з дня нараджэння Максіма Іванавіча Гарэцкага – класіка беларускай літаратуры, аднаго з пачынальнікаў сучаснай беларускай прозы, крытыка, літаратуразнаўца, пісьменніка арыгінальнага, самабытнага таленту, вядомага прадстаўніка беларускай думкі, грамадскага дзеяча беларускага нацыянальна-дэмакратычнага адраджэння. З гэтай нагоды ў Радзюкоўскай і Каўшэлеўскай сельскіх бібліятэках прайшлі мерапрыемствы.
У Радзюкоўскай сельскай бібліятэцы для людзей сталага ўзросту прайшла гадзіна добрай літаратуры ”Дазволь душы маёй адкрыцца“. У цёплай, душэўнай абстаноўцы бібліятэкар Валянціна Абрамава пазнаёміла прысутных з біяграфіяй і творамі пісьменніка, а напрыканцы мерапрыемства правяла цікавую і пазнавальную віктарыну па творчасці М.Гарэцкага.
У Каўшэлеўскай сельскай бібліятэцы для дзяцей старэйшага школьнага ўзросту адбылася гадзіна выдатнай асобы ”Хроніка аднаго жыцця“. Бібліятэкар Лена Мядзелец паведаміла прысутным пра месца нараджэння пісьменніка, пра яго бацькоў, а таксама пра гады вучобы ў вучылішчы, ваенны час, пра літаратурную творчасць. Да мерапрыемства бібліятэкар арганізавала выставу літаратуры па творчасці пісьменніка.
