Мінулае маёй вёскі ў фотаздымках
Бібліятэкар Більдзюгскай сельскай бібліятэкі-філіяла ў рамках праекта “Кожная пятніца – роднае сваё!” для дзяцей выхаваўча-аздараўляючага лагера “Патрыёт” ДУА “Більдзюжская сярэдняя школа Шаркаўшчынскага раёна” правяла краязнаўчую гадзіну “Мінулае маёй вёскі ў фотаздымках”.
Хлопчыкаў і дзяўчынак запрасілі ў музей “Гасцінны панадворак” пры Більдзюгскім сельскім Доме культуры. Бібліятэкар паказала фотаздымкі землякоў-ветэранаў Вялікай Айчыннай вайны, фотаздымкі мінулых часоў вёскі Більдзюгі і расказала гісторыю іх з’яўлення. Напрыканцы мерапрыемства ўдзельнікам было прапанавана пагуляць у беларускія нацыянальныя гульні.
