ТВОРЧЫЯ І ЖЫЦЦЁВЫЯ КОДЫ У. ДУБОЎКІ
О Беларусь, мая шыпшына, зялёны ліст, чырвоны цвет!
У ветры дзікім не загінеш, чарнобылем не зарасцеш…
Дзякуючы гэтаму вершу большасці з нас вядомы паэт У. Дубоўка.
Яго творчасць – нібы тая шыпшына: прыгожа-пахучая і адначасова колкая.
І кожнае яе вастрыё – гэта асобны запраграмаваны лёсам і самім паэтам код, разгадаць які зусім няпроста. У кастрычніцкім нумары часопіса “Беларуская думка” змешчаны артыкул Сяргея Галоўкі “Творчыя і жыццёвыя коды У. Дубоўкі”
Артыкул прысвечаны Уладзіміру Дубоўку – паэту, на чый лёс выпала шмат выпрабаванняў. Але ён, нягледзячы ні на што, знаходзіў у сабе сілы, каб жыць і займацца любімай справай – літаратурнай творчасцю. Аўтар даследуе жыццяпіс У. Дубоўкі, развенчвае некаторыя міфы, звязаныя з яго творчасцю, апавядае пра мясціны, дзе паэту даводзілася бываць, прыводзіць успаміны сучаснікаў. Часопіс маецца ва ўсіх бібліятэках нашай ЦБС.
