Краязнаўчы ўрок
Першага верасня адчыняюцца дзверы ў краіну ведаў. Дарослыя імкнуцца зрабіць гэты дзень для дзяцей асаблівым і незабыўным. Сёлетні год – Год малой радзімы, і з гэтай нагоды ў дзіцячай бібліятэцы ў першы дзень верасня прайшоў краязнаўчы ўрок пад назвай “Маё Паазер’е – мой край дарагі”. На мерапрыемства былі запрошаны вучні 6 “Б ” класа УА “Сярэдняя школа № 1 г.п. Шаркаўшчына”.
Дзеці здзейснілі віртуальнае падарожжа па ўсіх рэгіёнах Віцебшчыны, пазнаёміліся з самымі знакамітымі мясцінамі і зрабілі прыпынак у роднай Шаркаўшчыне, каб пазнаёміцца з яе каштоўнасцямі і славутасцямі. Разам з бібліятэкарамі яны ўзгадалі помнікі, творы пісьменнікаў-землякоў, вырабы народных умельцаў.
Напрыканцы мерапрыемства увазе ўдзельнікаў былі прапанаваны казкі пра Шаркаўград, аўтарамі якіх сталі ўдзельнікі клуба “Жывое слова”, вучні 6 “Б ”класа Ірына Дземідовіч, Дзіяны Седзюкевіч, Уладзімір Смерцеў і Кацярына Гуйда.
Мерапрыемства прайшло цікава, яго ўдзельнікі яшчэ больш папоўнілі свае веды аб родным куточку Паазер’я.
