Зямля мая – зямля яднання
Да Дня народнага адзінства ў Германавіцкай сельскай бібліятэцы адбылася літаратурна-гістарычная гадзіна ”Зямля мая – зямля яднання“, на якую былі запрошаны навучэнцы 7 класа УА ”Германавіцкая сярэдняя школа-дзіцячы сад Шаркаўшчынскага раёна“.
Да мерапрыемства бібліятэкар падрыхтавала выставу кніг і фотаздымкаў пра Беларусь ”Мы разам”.
У пачатку мерапрыемства бібліятэкар паведаміла аб тым, што дата выбару святкавання Дня народнага адзінства мае невыпадковы характар: гэты дзень стаў актам гістарычнай справядлівасці ў дачыненні да беларускага народа, падзеленага супраць яго волі ў 1921 годзе ва ўмовах Рыжскага мірнага дагавора, і назаўсёды замацаваўся ў нацыянальнай гістарычнай традыцыі. Святкаванне Дня народнага адзінства – даніна памяці нашым суайчыннікам, якія змагаліся за ўз’яднанне беларускага народа ў адзінай нацыянальнай дзяржаве. Менавіта адзінства дапамагло нам выстаяць у гады Вялікай Айчыннай вайны, перамагчы і аднавіць краіну з руін. І сёння мы разам працуем на карысць нашай Радзімы – Рэспублікі Беларусь.
Удзельнікі на працягу мерапрыемства выконвалі творчыя заданні, адказвалі на пытанні гістарычнай віктарыны, чыталі вершы пра Беларусь.
