• banner_sharcbibl_1.jpg
  • banner_sharcbibl_2.jpg
  • banner_sharcbibl_3.jpg

Статистика пользователей

Период:

2017-12-01 - 2018-10-21

Зарегистрировалось:

53

 Мы в социальных сетях 

 

nlbby1

vlib by

v rcpi

sh ispolkom

sm

80 let

klich radzimy

Для ўдзельнікаў дзіцячага клуба “Чамучкі”, што дзейнічае пры Лужкаўскай бібліятэцы, студзень завяршыўся чарговым пасяджэннем, якое мела форму віртуальнага падарожжа “Гістарычныя мясціны Віцебшчыны”, прымеркаванага да знамянальнай падзеі — 80-годдзя з Дня заснавання Віцебскай вобласці.

Цікава і змястоўна пра развіты прамысловы і сельскагаспадарчы паўночны рэгіён Беларусі, яго гарады, архітэктурныя помнікі і запаведныя мясціны паведаміла вучням 2-5 класаў прэзентацыя “Мая Віцебшчына”. Слайд-падарожжа па гістарычных мясцінах вобласці пазнаёміла дзяцей са шматлікімі архітэктурнымі помнікамі, да якіх адносяць Віцебскую ратушу, Сафійскі сабор у Полацку, Пакроўскую царкву ў Талочыне, Петрапаўлаўскую царкву ў Беразвеччы пад Глыбокім і іншыя, а таксама яшчэ раз нагадала знакамітыя імёны Еўфрасінні Полацкай, Францыска Скарыны, Марка Шагала, Язэпа Драздовіча, Міхаіла Савіцкага, Уладзіміра Караткевіча, Васіля Быкава — людзей, якія з’ўляюцца гонарам не толькі беларускай, але і сусветнай культуры.

Дапоўніла аповед пра віцебскую зямлю зборка цікавых гісторыка-геаграфічных відэафактаў “Пад сузор’ем Віцебшчыны” пра старажытныя валуны Беларускага Паазер’я, адным з якіх з’яўляецца Барысаў камень у Полацку, пра багаты разнастайны жывёльны і раслінны свет Бярэзінскага біясфернага запаведніка — візітнай карткі Лепельшчыны і рэспубліканскі ландшафтны заказнік “Ельня”, размешчаны на тэрыторыі Міёрскага і Шаркаўшчынскага раёнаў, пра самую вялікую ў краіне азёрную групу — Браслаўскія азёры і самы маленькі горад не толькі Віцебшчыны, але і краіны — Дзісну.
Віктарына-падарожжа “Славутыя землякі” яшчэ раз нагадала дзецям пра вядомых асветнікаў і гуманістаў, дзеячаў культуры і мастацтва, таленавітых мастакоў і пісьменнікаў, кампазітараў і музыкантаў, даследчыкаў і вынаходнікаў Віцебшчыны.

Цікавае і насычанае мерапрыемства пакінула шмат прыемных уражанняў і жаданне далей пазнаваць свой віцебскі край. Кожны з яго ўдзельнікаў знайшоў і забраў з сабой часцінку каштоўнага багацця, што захоўваецца ў незлічоных лабірынтах гістарычнай спадчыны Прыдзвінскага краю.