ВАЙНЫ БАЛЮЧЫ НАПАМІНАК
У рамках Года гістарычнай памяці ў Лужкаўскай сельскай бібліятэцы адбыўся ўрок памяці “Вайны балючы напамінак”, які для чытачоў малодшага школьнага ўзросту правяла загадчыца бібліятэкі Ірына Машара.
Мерапрыемства распачалося ў бібліятэцы са знаёмства з кнігай ”Памяць. Гісторыка-дакументальная хроніка Шаркаўшчынскага раёна“ – своеасаблівай энцыклапедыяй роднага краю, менавіта, з тымі раздзеламі хронікі, якія распавядаюць пра падзеі Вялікай Айчыннай вайны.
Затым удзельнікі мерапрыемства наведалі помнік на брацкай магіле савецкіх воінаў, які знаходзіцца ў скверы аграгарадка Лужкі.
Загадчыца бібліятэкі звярнула ўвагу прысутных на тое, што Вялікая Айчынная вайна – гэта самая трагічная стронка ў гісторыі беларускага народа. Гераічнае мінулае навекі застанецаа ў народнай памяці. Хлопчыкі і дзяўчынкі даведаліся аб тым, што у брацкай магіле пахаваны 63 воіны, якія загінулі ў баях супраць нямецка-фашысцкіх захопнікаў у 1941 і 1944 гадах, і аб тым, як праходзіў пошук па выяўленню невядомых прозвішчаў загінуўшых салдат, якім у 1958 годзе на магіле быў пастаўлены помнік – скульптура воіна.
Удзельнікі ўшанавалі памяць загінуўшых воінаў хвілінай маўчання і ўсклалі кветкі.
Напрыканцы дзеці прачыталі вершы, якія ўслаўляюць ратны подзвіг воінаў.
