СУСВЕТНЫ ДЗЕНЬ ПАЭЗІІ
21 сакавіка адзначаецца Сусветны дзень паэзіі. Ініцыятарам стварэння гэтага свята стала сусветна вядомая арганізацыя ЮНЕСКА. Упершыню дзень паэтычнага слова адсвяткавалі 21 сакавіка 2000 года. І з таго часу Сусветны дзень паэзіі штогод ў бібліятэках ДУК ”Шаркаўшчынская ЦБС“ адзначаецца шэрагам розных мерапрыемстваў.
У Навасёлкаўскай бiблiятэцы прайшла лiтаратурная гадзiна ”Букет любiмых вершаў“. У час мерапрыемства гучалi вершы розных пiсьменнiкаў, якiя апяваюць шчодрасць роднай зямлi, яе прыгажосць, чалавечую дабрыню i чуласць. Святлана Кузьмянкова прачытала вершы Мiледзiя Кукуця, прысвечаныя малой радзiме.
Каўшэлеўская бібліятэка сумесна з Домам фальклору правялі паэтычны вечар ”Души прекрасные порывы... “, на які запрасілі аматараў паэтычнага слова. У пачатку мерапрыемства вядучая распавяла пра гісторыю ўзнікнення гэтага свята. Кульмінацыйным момантам стала прэзентацыя новага зборніка таленавітай паэткі зямлі шаркаўшчынскай, удзельніцы народнага літаратурна-музычнага аб’яднання ”Світанак“ – Людмілы Ардынскай ”Плач иволги“. Затым свае вершы прачытала мясцовая паэтка Надзея Вайцюль. Таксама не засталіся ў старане прысутнічыя гэтага вечара. Кожны з іх прачытаў верш любімага паэта: Р. Барадуліна, П. Броўкі, С. Грахоўскага, Я. Янішчыц, Т. Красновай-Гусачэнка, М. Кукуця, В. Лагуна. Напрыканцы вечара ўдзельнікам была прапанава віктарына ”Угадай аўтара“, з пытаннямі якой усе паспяхова справіліся.
