ШАРКАЎШЧЫНСКІ КРАЙ – МАЯ МАЛАЯ РАДЗІМА
2018-2019 гады праходзяць у рэспуліцы пад знакам Года малой радзімы, што вельмі важна для нашай сучаснасці, напоўненай мабільнасцю, мітуснёй і ўсімі тымі перашкодамі, якія знішчаюць самыя галоўныя каштоўнасці чалавека.
Гэты час дасць магчымасць кожнаму зразумець для сябе, што значыць малая радзіма і дзе знаходзіцца тое месца. І тут самі сабою ўзгадваюцца словы з кнігі “Свята для сэрца” Анатоля Бензярука: “Адшукаць малую радзіму лёгка. Трэба толькі адчыніць дзверы, выйсці на вуліцу. Усё, што ўбачыш навокал, – гэта яна, твая малая радзіма. Твая рэчка. Тваё поле. І твой лес. Твая школа. Твая першая настаўніца… І яшчэ шмат, шмат чаго”.
Шаркаўшчынскі край – малая радзіма для кожнага жыхара нашага раёна, яна самая прыгожая і лепшая. Бо тут самыя квяцістыя сады, лепшыя краявіды, непаўторны водар, жывуць асаблівыя людзі. Аб тым, што шаркаўшчынская зямля самая лепшая сведчыць выстава літаратуры, якую аформіла бібліятэкар Велікасельскай бібліятэкі-філіяла № 12.
