Прэзентацыя новага зборніка
У пачатку лютага ў раённым Цэнтры культуры з нагоды 80-годдзя ўтварэння Шаркаўшчынскага раёна адбылася прэзентацыя новага зборніка ўдзельнікаў народнага літаратурна-музычнага аб’яднання “Світанак” – “Малой радзіме нашай. Шаркаўшчыне – 515”.
У зборнік увайшлі вершаваныя і празаічныя творы розных жанраў, напісаныя Людмілай Ардынскай, Надзеяй Вішнявец, Эдвардам Вялічка, Ленай Гугалінскай, Ігарам Дземідовічам, Таццянай Еўдаковай, Міледзіем Кукуцём, Віктарам Лагуном, Уладзімірам Мілянцеем, Алай Міхайлавай, Надзеяй Паляк, Галінай Сікора, Кацярынай Сосна, Ірынай Тарбецкай, Надзеяй Шук, Алёнай Шыпіла, Святланай Клімза. На мерапрыемстве прагучалі творы і думкі кожнага з аўтараў, былі прадэманстраваны відэа-інтэрв’ю з Віктарам Лагуном, і відэапрезентацыя, прысвечаная былым удзельнікам народнага аб’яднання, якія адышлі ў вечнасць. Прэзентацыя кнігі – гэта сумесны праект дзіцячай бібліятэкі (бібліятэкар Людміла Казіцкая) і народнага літаратурна-музычнага аб’яднання “Світанак” (кіраўнік Ала Міхайлава), дапамогу ў запісе відэа-інтэрв’ю аказваў Іван Русецкі – настаўнік ДУА “Шаркаўшчынская дзіцячая школа мастацтваў”.
