ПАМЯЦЬ СЭРЦА
Загадчыца Буеўшчынскай бібліятэкі-клуба арганізавала краязнаўчае велападарожжа да помніка на брацкай магіле савецкіх воінаў і ахвяр фашызму у вёсцы Шыці. Велападарожжа распачалося з акцыі ”Памяць сэрца“, якая адбылася ў бібліятэцы-клубе і была прысвечана 80-годдзю з пачатку Вялікай Айчыннай вайны.
Праязджаючы праз вёску Корнiца, удзельнікі зрабілі прыпынак на месцы былога абеліска загінуўшым землякам. Ля мемарыяльнага комплексу бiблiятэкар расказала аб жудасных падзеях 1942-1943 гадоў, калi былi спалены жыхары вёсак Кушталі, Свілы, Трабаўшчына, Строна, Журавоўшчына, Куялеўшчына, Падрэзаўшчына, Станіславова. Удзельнікі мерапрыемства хвiлiнай маўчання ўшанавалі памяць загінуўшых землякоў. Улад Касцюкевіч – праўнук Iпалiта Касцюкевіча – сведкi i ўдзельніка тых жудасных падзей, дапоўніў аповед бiблiятэкара. На зваротным шляху бiблiятэкар пазнаёміла падарожнікаў з гісторыяй былога калгаса ”Усход“. Краязнаўцы пераадолелі шлях у 15 км. Потым у бiблiятэцы былi падведзены вынiкi велападарожжа.
