НАПІСАНАЕ ЗАСТАЕЦЦА
Традыцыйна ў першую нядзелю верасня на Беларусі адзначаецца Дзень беларускага пісьменства.
З гэтай нагоды ў Лужкаўскай сельскай бібліятэцы адбылася прэзентацыя выставы-знаёмства “Напісанае застаецца”, на якую былі запрошаны чытачы малодшага школьнага ўзросту.
Напачатку мерапрыемства загадчыца бібліятэкі Ірына Машара пазнаёміла ўдзельнікаў з гісторыяй свята, звярнула ўвагу прысутных на гістарычныя падзеі гэтага дня, распавяла пра асветнікаў і славутых людзей Беларусі.
Удзельнікі мерапрыемства з захапленнем слухалі аповед бібліятэкара, а затым прынялі ўдзел у апытанні, падчас якога давалі правільныя і разгорнутыя адказы, якія падмацоўваліся нагляднай літаратурай з выставы.
Напрыканцы мерапрыемства юныя чытачы пагадзіліся са словамі загадчыцы бібліятэкі аб тым, што усім нам трэба ведаць гісторыю нашай роднай старонкі, арыентавацца ў стагоддзях і постацях, каб шанаваць імёны продкаў і несці подых вякоў у будучыню.
