МАСЛЕНІЦА ІДЗЕ, БЛІН ДЫ МЁД НЯСЕ
У апошні дзень масленічнага тыдня ў Зоркаўскай і Лужкаўскай бібліятэках прайшлі мерапрыемствы, прысвечаныя Масленіцы.
Лужкаўская бібліятэка запрасіла ўсіх жадаючых у бібліятэчную карчму “Масленіца ідзе, блін ды мёд нясе”, каб адведаць масленічных ласункаў, пачаставацца смачнымі блінамі. Вясёлыя забавы, гульні і конкурсы сталі самай цікавай часткай мерапрыемтва. Кожны з удзельнікаў змог паспрачацца ў веданні павучальных прымавак і прыказак, у адгадванні загадак на вясновую тэму, а таксама зазірнуць у даўнюю гісторыю святкавання нашымі продкамі кожнага масленічнага дня на працягу тыдня.
Юныя ўдзельнікі мерапрыемства, якое адбылося ў Зоркаўскай бібліятэцы, на свята ”Дзе бліны – там і мы“ прынеслі бліны, якія старанна выпякалі дома. Падчас мерапрыемства ўдзельнікі не толькі частаваліся блінамі, дэкламавалі вершы аб вясне і прыродзе, але і ўдзельнічалі ў розных конкурсах.
Апошні дзень Масленіцы ў традыцыі праваслаўных хрысціян – гэта яшчэ і Дараваная нядзеля. У гэты дзень прынята прасіць ва ўсіх прабачэнне. Вось і ўдзельнікі свята, каб шчасліва і радасна сустрэць вясну і Вялікі пост, папрасілі прабачэння адзін у аднаго за выпадковыя крыўды і непаразуменні. Мерапрыемствы ў бібліятэках закончыліся на цудоўнай, вясёлай ноце дабра і пазітыву.
