Хай усміхаецца дзяцінства
1 чэрвеня – Міжнародны дзень абароны дзяцей. Гэтае свята не абазначана чырвоным колерам у календары, але пра яго памятаюць і дарослыя, і дзеці. Не забыліся пра гэта свята і бібліятэчныя работнікі нашай сістэмы.
Для юных наведвальнікаў бібліятэкар Каўшэлеўскай сельскай бібліятэкі Лена Мядзелец правяла конкурсна-гульнёвую праграму ”Падарожжа па краіне дзяцінства“, у час якой хлорчыкі і дзяўчынкі з задавальненнем удзельнічалі ў розных конкурсах: загадкавым калейдаскопе, казачным лабірынце. Асабліва весела і цікава прайшла віктарына-гумарына. На працягу мерапрыемства праводзіліся рухомыя гульні. Напрыканцы ўдзельнікі пазнаёміліся з новай дзіцячай літаратурай.
Падчас гульнёвай праграмы ”Хай усміхаецца дзяцінства“, якая адбылася ў Велікасельскай сельскай бібліятэцы, бібліятэкар Таццяна Пугаўка засяродзіла ўвагу маленькіх чытачоў на тое, што кніга – лепшы сябар. На працягу мерапрыемства ўдзельнікі з задавальненнем прымалі ўдзел у конкурсах і гульнях, чыталі вершы пра лета, сяброўства , дзяцінства.
Загадчыца Буеўшчынскай сельскай бібліятэкі-клуба Наталля Кандрацьева на забаўляльную праграму ”В дни каникул не скучай – бери книгу и читай!“ запрасіла не толькі дзяцей, але і іх матуль, якія разам спаборнічалі ў спартыўных конкурсах, малявалі і спявалі.
У Лужкаўскай сельскай бібліятэцы хлопчыкі і дзяўчынкі падчас кніжнага дыліжансу ”Как хороши каникулы, когда мы дружим с книгою“ падарожнічалі па станцыях, дзе адказвалі на пытанні віктарыны, адгадвалі загадкі, знаёміліся з навінкамі літаратуры, а ў перапынках частаваліся духмянай гарбатай с хатняй выпечкай.
Падчас гульнёвай праграмы, якая праводзілася ў Радзюкоўскай сельскай бібліятэцы, дзеці малявалі на асфальце, а ў Зоркаўскай сельскай бібліятэцы-клубе яны адказвалі на пытанні віктарыны.
