ЁСЦЬ ТАКАЯ ПРАФЕСІЯ – РАДЗІМУ АБАРАНЯЦЬ!
Выбар прафесіі – адзін з самых адказных этапаў у жыцці маладога чалавека.
У Германавіцкай бібліятэцы прайшла пазнавальная гадзіна ”Ёсць такая прафесія – Радзіму абараняцьׅ“. На мерапрыемстве ішла размова аб тым, як паступіць, вучыцца і стаць годным ваенным. А каб інфармацыя была больш поўнай і рознабаковай на сустрэчу былі запрошаны: выпускнік інстытута пагранічнай службы лейтэнант Хоміч Максім, выпускнік Полацкага кадзецкага вучылішча Яблонскі Арцём, навучэнка Віцебскага кадзецкага вучылішча Ганебная Дар’я.
Хоміч Максім пазнаёміў прысутных з асаблівасцямі прафесіі ваеннага, з вучэбнымі ўстановамі Рэспублікі Беларусь, якія рыхтуюць будучых афіцэраў, больш падрабязна расказаў пра інстытут пагранічнай службы Рэспублікі Беларусь.
Яблонскі Арцём на сустрэчу прынёс нават свае ўзнагароды і з гонарам расказаў пра іх. Выступленне гасцей выклікала зацікаўленасць у юнакоў. У ходзе сустрэчы навучэнцы задавалі шмат пытанняў.
