ІДЗЕ КАЛЯДА, КАЛЯДУЮЧЫ
Зіма – добры час для святаў. Так лічылі нашы продкі. А таму са снежня і аж да сярэдзіны студзеня ладзілі зімовыя святы – Каляды.
Час народнага свята Каляд супадае з вялікім хрысціянскім святам – Раством Хрыстовым. Гэтага свята чакалі, да яго рыхтаваліся, таму і спраўлялі заўсёды шумна і весела.
Вось і супрацоўнікі Буеўшчынскай бібліятэкі-клуба разам з удзельнікамі фальклорнага калектыву ”Скарбніца“ з гучнымі песнямі і святочным віншаваннем, перапрануўшыся ў Казу, Звяздара і Дзеда, абыходзілі двары аднавяскоўцаў.
У выкананні калядоўшчыкаў гучалі беларускія народныя песні, якія ўслаўлялі працавітасць і шчодрасць гаспадароў , за што яны адорвалі калядоўшчыкаў рознымі прысмакамі, пірагамі ды печывам.
Можна быць упэўненым: традыцыі нашых продкаў не забыты і беражліва перададзены ў надзейныя рукі.
