85-годдзе з дня нараджэння Рыгора Барадуліна
Адным з асноўных напрамкаў дзейнасці бібліятэк з’яўляецца папулярызацыя творчасці беларускіх пісьменнікаў-юбіляраў. У сувязі з гэтым у бібліятэках нашай сістэмы да 85-годдзя з дня нараджэння беларускага народнага паэта Рыгора Барадуліна адбыліся наступныя мерапрыемствы:
- у дзіцячай бібліятэцы-філіяле №1 для вучняў 8 класа ДУА “Сярэдняя школа №2 г.п. Шаркаўшчына” і 9 “В” класа ДУА “Сярэдняя школа №1 г.п. Шаркаўшчына” прайшла праграма “З вандровак па суседзях і здалёк”, дзе вучні даведаліся цікавыя факты з біяграфіі народнага паэта Беларусі, а выстава фотаздымкаў дапамагла больш душэўна ўспрыняць матэрыял;
- у Германавіцкай бібліятэцы-філіяле №13 прайшоў майстар-клас па выразнаму чытанню “Трэба дома бываць часцей”. Мерапрыемства было праведзена сумесна з ДУА “Лужкаўская дзіцячая школа мастацтваў”;
- бібліятэкар Пялікаўскай бібліятэкі-філіяла №35 аформіла кніжную паліцу, прысвечаную Рыгору Барадуліну.
