Сустрэча з воінам-афганцам у дзіцячай бібліятэцы
Дзень воінаў-інтэрнацыяналістаў, якія прымалі ўдзел у замежных ваенных канфліктах, адзначылі 16 лютага ў дзіцячай бібліятэцы. На сустрэчу са старшынёй Шаркаўшчынскай раённай арганізацыі грамадскага аб’яднання “Беларускі саюз ветэранаў вайны ў Афганістане” Васіліем Cавічам Протасам, які з’яўляўся удзельнікам баявых дзеянняў у горадзе Баграм з 1983 па 1985 год, завіталі вучні 8 “Б” класа Шаркаўшчынскай сярэдняй школы № 1. Падчас цікавай размовы з воінам-інтэрнацыяналістам дзеці многае даведаліся пра падзеі вайны ў Афганістане, пра армейскую дружбу і службу нашых землякоў у гэты складаны перыяд.З вялікай цікавасцю і ўвагай сучасныя школьнікі слухалі аповед удзельніка баявых дзеянняў і задавалі свае пытанні.
Напрыканцы сустрэчы загадчыца дзіцячай бібліятэкі і вядучая мерапрыемства Тамара Эдвардаўна Паляк уручыла Васілію Савічу невялікі сувенір на памяць і падзякавала яму за гатоўнасць заўсёды сустракацца з дзецьмі, за шчырую цікавасць да работы з вучнямі і жаданне прымаць актыўны ўдзел у патрыятычным выхаванні падрастаючага пакалення.