Візіт калег з Браслаўскай ЦБС
Цэнтралізаванай бібліятэчнай сістэмай Браслаўскага раёна праводзіцца эстафета памяці “75 добрых спраў”, прымеркаваная да 75-годдзя вызвалення Беларусі ад нямецка-фашысцкіх захопнікаў. З гэтай нагоды калегі з Браслаўшчыны 20 чэрвеня наведалі наш раён.
Спачатку бібліятэкары завіталі ў аграгарадок Германавічы, дзе пабывалі ў мастацка-этнаграфічным музеі імя Язэпа Драздовіча і прыватным культурна-асветніцкім цэнтры імя Міхася Райчонка, праехалі па турыстычным маршруце “Сцяжынкамі Драздовіча”. Затым наведалі Лужкаўскую бібліятэку-філіял № 29. Па выдатных мясцінах аграгарадка Лужкі для калег правяла экскурсію бібліятэкар з Верацей Ларыса Мядзелец.
Апошнім пунктам прабывання нашых калег на шаркаўшчынскай зямлі стала раённая бібліятэка. Загадчыца аддзела абслугоўвання і інфармацыі Райчонак Таццяна крыху расказала аб бібліятэцы і правяла аглядную экскурсію. Бібліятэкары абмяняліся прафесійнымі ідэямі і ведамі, разам абмеркавалі надзённыя пытанні.
На памяць аб сустрэчы дырэктары абедзвюх бібліятэчных сістэм абмяняліся падарункамі, а браслаўская паэтка Святлана Цыунэль падарыла ў фонд раённай бібліятэкі свой зборнік вершаў «Терпкое обаяние любви».
