Літаратурная гадзіна “Чытаем і размаўляем па-беларуску”
У аддзяленні дзённага прабывання інвалідаў бібліятэкары раённай бібліятэкі Наталля Сырцова і Раіса Гракава правялі літаратурную гадзіну “Чытаем і размаўляем па–беларуску”. Эпіграфам сустрэчы сталі радкі з верша Ніла Гілевіча, прысвечанага нашай роднай мове, мове нашых бацькоў і дзядоў, мове, гісторыя якой няпростая і цікавая.
Удзельнікі мерапрыемства разгадвалі беларускія загадкі, тлумачылі сэнс прыказак і прымавак, перакладалі з рускай мовы на беларускую і наадварот, успомнілі народныя звычаі і абрады беларусаў. Пазнаёміліся са знакамітымі асобамі Беларусі, якія ўнеслі значны ўклад у развіццё і станаўленне роднай мовы. Напрыканцы мерапрыемства адбылася віктарына “Апрані і накармі суседа”. Трэба было сярод прапанаваных прадметаў выбраць беларускія стравы і нацыянальнае беларускае адзенне, апрануць і накарміць суседа.